Procesi i diagnostikimit të çrregullimeve psikologjike apo psikiatrike realizohet  pas një ekzaminimi të kujdesshëm nga specialistët e shëndetit mendor. Qendra jonë ka për qëllim që t`iu ofrojë individëve dhe familjarëve, ndihmë dhe mbështetje të gjithanëshme psikologjike dhe mjekësore në trajtimin e çrregullimeve të ndryshme,   duke respektuar gjithnjë çdo dallim kulturor  dhe duke mos u ndikuar nga statusi social i kujdo individi  që kanë nevojë për shërbimin tonë.

Në klinikën tonë ruhet privatësia e individit, respektohen përkatësia etnike, gjinore, apo  preferencat fetare apo orientimi seksual. Kompetenca profesionale dhe kulturore e stafit dhe stili i komunikimit, përbën bazën e suksesit tonë modest, për të ruajtur një shërbim cilësor profesional. Në qendrën tonë aplikohen strategjitë bashkëkohore të trajtimit,  duke promovuar si mbështetje të gjithanshme për të forcuar mbi baza të qëndrueshme mirëqënien fizike dhe emocionale dhe në rritjen e besimit te vetja bazuar në një bashkëpunim të ndërsjelltë profesional dhe njerëzor.

Një veçori e punës në klinikën tonë është trajtimi i depresioneve dhe psikozave rezistente ndaj trajtimit me barna. Procedura e ECT-së është një procedurë që realizohet vetëm në qendrën tonë.
Trajtimi me ECT-Thymatron IV është trajtimi biologjik më bashkëkohor i terapisë së ECT-së që ekziston sot në të gjitha vendet e zhvilluara. Për informacione më të detajuara apo formularët përkatës informohuni në rubrikën “ Këshilla” ose mund të kontaktoni në adresën e-mail ose në numrat tanë të kontaktit.

Një ndër prioritetet tona është rritja e njohurive në fushën e shëndetit mendor, eleminimi i stigmës dhe mentalitetit që ende ekziston në këtë fushë. Në funksion të rritjes së sasisë dhe cilësisë së informacionit mjekësor është edhe faqja jonë informative, që do të shërbejë për ju si një libër i hapur ku ju mund të gjeni këshillat dhe zgjidhjet më të mira për ju. Ju mund të gjeni udhëzimet e duhura mbi shumë mjekimet dhe të perzgjedhura në mënyrë profesionale përkujdesjet mbi mënyrën e përdorimit të barnave dhe do gjë tjetër që lidhet me një shëndetin mendor të mire, për një jetë sa më cilësore dhe më me pak stres. Në mënyrë të qëndrueshme e vemë thekin në rëndësinë e psikoedukimit të pacientëve dhe familjarëve nëpërmjet informimit profesional të publikut duke ofruar këshillim dhe trajtim psikologjik të kualifikuar.

Klinika mjekësore “VENIS” promovon avokaci në mbrojtje të të drejtave të pacientit. Ne ofrojmë informim, këshillim dhe ndihmë konkrete ligjore për pacientët që kanë probleme me ligjin apo për personat që sëmuren gjatë periudhës së vuajtjes së dënimeve ligjore, në pritje të marrjes së vendimit. Në qendrën tonë ofrohet gjithashtu informimi dhe konsulenca e duhur për respektimin e të drejtave ligjore të pacientit që parashikon Ligji mbi shëndetin mendor në Republikën e Shqipërisë dhe aktet ndërkombëtare për këtë qëllim.